Friday, September 18, 2015

ஜாக்கிரதை...சித்தமருந்தில் மெர்க்குரிகலப்பு.




எச்சரிக்கை..! 


நீங்கள் படத்தில் இருப்பது திருப்பதி லட்டு என்று எண்ணிவிடாதீர்கள்..இது அவினாசி ரோட்டில் நீலகிரி பேக்கரிக்கு பின்புறம் உள்ள சித்த வைத்திய சாலையில் கை அலர்ஜிக்காக எனது பெரியமகள் கடந்த ஜீலை மாதம் திருப்பூர் வந்த போது ஸ்கின் கேர் என்ற பெயரில் 30 நாட்களுக்கு தினம் ஒன்று வீதம் தரப்பட்ட மூலிகை உருண்டையை. ஒரு வாரம் தான் சாப்பிட்டிருப்பார்.

எட்டாவது நாள் நடக்க, உட்கார முடியாமல் போனதால் சென்னை அப்பல்லோ ஹாஸ்பிட்டலில் நரம்பியல் நிபுனரிடம் காட்டினோம்...அவர் சித்த மருந்தில் மெர்க்குரி கலக்குவாரகள்.. எனவே ரத்தத்தை எடுத்து அதில் மெர்க்குரி இருக்கிறதா எனப்பார்த்தபின்பே மருத்துவம் பார்க்கமுடியும் எனக்கூறி, ரத்தம் எடுத்து பாம்பே அனுப்பினார்கள்.. ஒரு வாரம் கழித்து பாம்பேயில் இருந்து வந்த ரிசல்டில் மெர்க்குரி 4.99 அளவு இருக்கிறது என வந்தது. மனித உடம்பில் 0.21 -1.3 வரை மட்டுமே இருக்கலாம். மகளுக்கு மெர்க்குரி அளவு 4.99 அதிகமாக இருப்பதால் நரம்புகளும், தசையும் இறுகி வலியெடுக்கும்.. நடக்க முடியாது.. முதுகெல்லாம் வலி என தொந்தரவு. மெர்க்குரியை வெளியேற்ற தினம் 22 மாத்திரைகள் சாப்பிடுகிறார்.


ஒரு மாதத்திற்கு மேல் ஆகியும் நிவாரனம் கிடைக்கவில்லை. டாக்டர் தாமதம் ஆகும் எனக்கூறியுள்ளார். இந்த சித்த மருத்துவ டாக்டரிடம் தங்கள் மருந்தில் மெர்க்குரி கலந்துள்ளீர்களா எனக்கேட்டேன். வெறும் மூலிகைதான்.. மெர்க்குரி கலக்கவில்லை என்றார். எனவே அவர் கொடுத்த இந்த உருண்டை மருந்தை சோதனை செய்ததில் 20 மி.கிராம் மருந்தில் 0.51 மி.கிராம் மெர்க்குரி கலந்திருப்பது தெரியவந்தது. திரும்பவும் இந்த டாக்டரிடம் இப்படி உங்கள் மருந்தில் மெர்க்குரி இருக்கிறதே என்றேன்.. எங்கள் மருந்தில் இல்லை.. மூலிகைதான் என்கிறார். சென்னையில் பிரபல நரம்பியல் டாக்டர் வி.சீனிவாசன் அவர்களிடமும் காட்டியாயிற்றும், ரத்தத்தில் கலந்துள்ள மெர்க்குரி மெதுவாகத்தான் உடம்பில் இருந்து வெளியேறும்.. அப்பல்லோ டாக்டர் எனது மாணவர்தான்,, அவர் கொடுத்த மாத்திரைகளே போதும் எனக்கூறியுள்ளார்.
எனது துணைவியார் மகளுக்கு துணையாக கடந்த ஒரு மாதத்திற்கு மேலாக சென்னையில்தான் உள்ளார். இந்த SKM மகரிஷி மருத்துவமனையில் நிறைய பேர்கள் மாத்திரை, சூரணம், பொடி, தைலம் என வாங்குகிறார்கள்.. ஆங்கில மருந்தில் உள்ளதை போட்டிருப்பார்கள்.. ஆனால் சித்த மருத்துவத்தில் இப்படி மருந்தில் உள்ள பொருட்கள் என்ன என்று இருக்காது.. இணைய தளங்களில் சித்த மருத்துவம் எனப்போட்டால், மெர்க்குரி கலக்காத சித்த மருத்துவ மாத்திரைகளே இல்லை என உள்ளது. எனவே பொதுமக்கள், நண்பர்கள் இந்த சித்த மருத்துவ மருந்தகத்தில் மாத்திரைகள் வாங்குவது சரியா என இரண்டுமுறை யோசித்து வாங்குங்கள்.. ஏனென்றால் மெர்க்குரி ஒரு அபாயகரமான விஷத்தன்மையுள்ள மருந்து.
இந்த மெர்க்குரி சித்தவைத்திய மருந்தில் மட்டும் தான் இருக்கிறதா..? நாம் அழகுக்கு பயன்படுத்தும் நம் முகத்தை சிவப்பழகாக மாற்றும் கிரீம்களில் இருக்கிறது. நம் வீட்டில் குண்டு பல்பை எடுத்துவிட்டு சி.எல்.எஃப். பல்பு போட்டுள்ளோம். இதில் இருக்கிறது. தவறி இந்த பல்பு உடந்துவிட்டால் உடனே அந்த அறையை விட்டு வெளியேறிவிடவேண்டும். மெர்க்குரி திட, திரவ, வாயு வடிவில் மாறும் தன்மையுடையது.. நமது பெண்கள் பயன்படுத்தும் சிவப்பு செந்தூரப்பொட்டிலும் இருக்கிறது..எச்சரிக்கை..சித்த மருத்துவம் போகிறீர்களா.. எச்சரிக்கையாக இருங்கள்..
இந்தப்பதிவை போட்ட பின் நேற்று எனக்கு ஏற்பட்ட அனுபவம்.

இரவு 09.30 மணியிருக்கும்.. கதவு தட்டப்படும் ஓசை.. ஜன்னலில் பார்த்தேன்..எஸ்.கே.எம். மகரிஷி மருந்தகத்தின் டாக்டரும் அவர் அருகில் ஒரு பெண்ணும் இருந்தனர். தைரியமாக கதவை திறந்தேன். அவரது மனைவி என்று அறிமுகம் செய்தார். இவரது குடும்பமே பரம்பரை சித்தவைத்தியமாம். தாராபுரத்தில் இருந்து தினம் திருப்பூர் வருகிறார்கள்.என்றார்கள். பேஸ் புக்கில் எனது பதிவில் இவருடைய மருந்தகத்தின் பெயர்ப்பலகை இருந்தது கண்டு இவருடைய நண்பர்கள் பலரும் போன் செய்து சொன்னார்களாம். காலையில் இருந்து உங்களைப்பார்க்க முயற்சி செய்கிறேன் என்றார்கள். எனது மகளின்

 மருத்துவ சோதனை முடிவுகளையும், இவர் தந்த மாத்திரையில் மெர்க்குரி உள்ள அளவின் ரிசல்டையும் காண்பித்தேன்.(கடந்த ஒரு மாதமாக தனது மருந்தில் மெர்க்குரி இல்லையென்றே வாதம் புரிந்தார்). இவர் கொடுத்த ஸ்கின் கேர் மாத்திரையால் எனது மகளுக்கு நேர்ந்துள்ள உடல் உபாதைக்காக மன்னிப்புக்கேட்டார்கள். தாங்கள் கொடுத்த மருந்தில் மெர்க்குரி பாதிப்பு வரும் என்பதே தங்களுக்குத்தெரியாது என்றார்கள்.. இந்த மருந்து கொடுப்பதை பேஸ் புக்கில் செய்தியாக பார்த்தபின் நிறுத்திக்கொண்டோம், என்றும் குப்பையில் தூக்கி எறிந்துவிட்டோம் என்றார்கள். உங்கள் மகள் விரைவில் குணம்டைய கர்த்தரிடம் பிரேசெய்கிறோம் என்றார்கள். உங்கள் மகள் எங்களுக்கும் மகள் போலத்தான்.. எங்களுக்கும் ஒரு பையனும், பெண்ணும் இருக்கிறார்கள்.. நாங்கள் தெரியாமல் இந்த மருந்தை குணமாகும் என்ற நோக்கத்தில் கொடுத்தோம்.. ஆனால் அது இப்படிப்பட்ட விளைவுகளைத்தரும் என்பது தங்களுக்குத்

தெரியாது என இருவரும் பலமுறை மன்னிப்புக்கேட்டார்கள்..இன்று மாவட்ட ஆட்சித்தலைவரிடம் மனு கொடுப்பதாக இருந்தேன்.. ஏனோ அதை அடுத்தவாரத்திற்கு ஒத்திப்போட்டுவிட்டேன்..பேஸ் புக்கில் போட்டது கூட இந்த மருந்தின் விளைவுகள் தெரியாமல் வேறு யாரும் சாப்பிடக்கூடாது என்பதற்காகத்தானேயொழிய உங்கள் பிழைப்பை கெடுக்கவேண்டும் என்பதல்ல எனது நோக்கம் என்று கூறி அனுப்பிவைத்தேன். இணையத்தில் போய் பாருங்கள்.. மெர்க்குரியினால் மனிதர்களுக்கு ஏற்படும் விளைவுகள் என்ன என்று கூறி அனுப்பிவிட்டேன்.
Human health effects of mercury
High doses of mercury can be fatal to humans, but even relatively
low doses of mercury containing compounds can have
serious adverse impacts on the developing nervous system,
and have recently been linked with possible harmful effects on
the cardiovascular, immune and reproductive systems5.
Mercury and its compounds affect the central nervous system,
kidneys, and liver and can disturb immune processes; cause
tremors, impaired vision and hearing, paralysis, insomnia and
emotional instability. During pregnancy, mercury compounds
cross the placental barrier and can interfere with the development
of the foetus, and cause attention defi cit and developmental
delays during childhood .

Monday, March 30, 2015

தமிழகரசே சுப்ரீம் கோர்ட் தீர்ப்பை அமுல் படுத்து..


திருப்பூரில் ஜெய்வாபாய் நகராட்சிப்பெண்கள் மேல் நிலை பள்ளிக்குள் செயல்படும் தனியார் மெட்ரிகுலேசன் பள்ளி..!
சுப்ரீம் கோர்ட் தீர்ப்பை தமிழகரசு உடனடியாக அமுல் படுத்த வேண்டும்…!!

(ஜெய்வாபாய் ஈசுவரன்)

திருப்பூரில் ஜெய்வாபாய் நகராட்சிப்பெண்கள் மேல் நிலைப்பள்ளியானது ஏழாயிரம் மாணவிகளுடன் செயல்படும் இந்தியாவின் மிகப்பெரிய பெண்கள் பள்ளியாகும். இந்தப்பள்ளியின் ஒரு ஏக்கர் இடத்தை  தனியார் ரோட்டரி மெட்ரிகுலேசன் பள்ளியினர் ஆக்கிரமித்து செயல்பட்டு வருகின்றனர். இவர்களுக்கு எதிராக , ஜெய்வாபாய் பள்ளியின் பெற்றோர்-ஆசிரியர் கழகம் 1996-ல் வழக்கு தொடுத்தது. கடந்த பதினெட்டு வருடங்களாக நடைபெற்ற வழக்கில் இறுதியாக சுப்ரீம் கோர்ட் கடந்த 30-7-2014 அன்று ஜெய்வாபாய் பள்ளிக்குள் உள்ள ரோட்டரி மெட்ரிகுலேசன் பள்ளியினர் வெளியேறவேண்டும் என்று தீர்ப்பளித்தது. சுப்ரீம் கோர்ட் தீர்ப்பு வந்து எட்டு மாதமாகியும் திருப்பூர் மாநகராட்சி நிர்வாகம், மாவட்ட நிர்வாகம், பள்ளிக்கல்வித்துகோர்ட் தீர்ப்பைறை என அனைவருமே மெளனம் சாதித்து வருகின்றனர். சுப்ரீம் கோர்ட் தீர்ப்பு இன்னும் அமுல்படுத்தவில்லை.

             இந்த வழக்கு பற்றிய விபரம் அறியும் முன், ஜெய்வாபாய் பள்ளி பற்றிய விபரம் அறிவது அவசியமாகும்.

  •  


  • பொதுக்கூட்டம். இந்தக்கூட்டத்தில்  தமிழக முதல்வர் மாண்புமிகு ஜெ.ஜெயலலிதா அவர்கள் உரையாற்றுகிறார். அப்போது ஒரு பள்ளியைப்பற்றி பாராட்டி பேசுகிறார். ஒரு மாநிலத்தின் முதல்வர் அவர்களே பாராட்டிப்பேசியிருந்தால் அது ஒரு தனியார் பள்ளியாகத்தான் இருக்கும் என  நினைக்கிறோம். ஆனால் தமிழக முதல்வர் அவர்கள் பாராட்டி பேசியது திருப்பூரில் உள்ள ஒரு நகராட்சிப்பெண்கள் மேல் நிலையைப்பற்றித்தான்.. அது…..ஜெய்வாபாய் நகராட்சிப்பெண்கள் மேல் நிலைப்பள்ளி பற்றியும் அதன் மாணவிகளைப்பற்றியும் தான் பாராட்டிப்பேசினார்...அவர் பேசியதை அப்படியே கீழே பார்க்கலாம்.



     தமிழகரசு மழை நீர் சேகரிதிருப்பூரில் உள்ள ஜெய்வாபாய் மாநகராட்சிப்பெண்கள் மேல் நிலைப்பள்ளியில் 7000-ம் மாணவிகள் கல்வி பயின்று வருகின்றனர். இப்பள்ளியானது மழை நீர் சேகரிப்பிற்காக 2002-ம் ஆண்டில் மாண்புமிகு தமிழக முதல்வர் அம்மா அவர்களின் கையால் பரிசையும்,                                                                       பாராட்டையும் பெற்ற பள்ளியாகும். மேலும் கடந்த 15 ஆண்டுகளாக தேசிய குழந்தைகள் அறிவியல் மாநாட்டில் பங்கேற்று அறிவியல் ஆய்வுக்கட்டுரைகளை சமர்பித்து வந்ததில், இந்தியளவில் 10 முறை தேசிய குழந்தைகள் அறிவியல் மாநாட்டு விருதையும், மூன்று முறை இந்திய விஞ்ஞானிகளின் மாநாட்டில் பங்கேற்றும் சாதனை படைத்துள்ளது. 1994 முதல் இப்பள்ளியின் பெ..கழகத்தால் மாணவிகளுக்கு கணிப்பொறிகல்வி அளித்து வந்ததன் காரணமாக 2003-ம் ஆண்டில் மத்தியரசின் சிறந்த கணணிக்கல்விக்கான பரிசையும், விருதையும் மேன்மைமிகு பாரதக்குடியரசுத்தலைவர் டாக்டர் அப்துல்கலாம் அவர்களால் பெற்றுள்ள பள்ளியாகும். 2005-ம் ஆண்டில் தமிழகரசின் சிறந்த சுற்றுச்சூழல் செயல் வீரர்களுக்கான பரிசையும் பெற்ற பள்ளியாகவும் திகழ்கிறது. இப்பள்ளியின் தலைமையாசிரியைகள் திருமதி .ஜரீன்பானுபேகம் 2002-ம் ஆண்டிலும், திருமதி .விஜயாஆனந்தம் 2007-ம் ஆண்டிலும் தேசிய நல்லாசிரியர் விருது பெற்று சாதனை படைத்த பள்ளியாகவும் திகழ்கிறது. இந்தியளவில் அரசு/நகராட்சிப்பள்ளிகளுக்கு சுற்றுச்சூழலிலும், பெண்கல்விக்கும் முன் உதாரணமாக இப்பள்ளி திகழ்கிறது. இப்பள்ளியின் வரலாறே.”. யாது ஊரே யாவரும் கேளீர்என்பதற்கு ஏற்ப, குஜராத்தில் இருந்து திருப்பூருக்கு வியாபாரம் நிமித்தமாக வந்த திரு தேவ்ஜி ஆஷர் என்பவர் இளம் வயதில் (33 வயது) தனது மனைவி திருமதி ஜெய்வாபாயின் மரணத்தருவாயில்(1937-ம் ஆண்டு) திருப்பூரில் பெண்களுக்கென தனியாக உயர் நிலைப்பள்ளி வேண்டும் என்ற கோரிக்கையை நிறைவேற்றும் பொருட்டு 1942-ம் ஆண்டில் உருவாக்கப்பட்டது தான் இப்பள்ளியாகும்.

       1998-ம் ஆண்டு இந்தப்பள்ளிக்கு வருகை புரிந்த சாகித்திய அகதாமி பரிசு பெற்ற பிரபல எழுத்தாளர் பொன்னீலன் அவர்கள் இப்பள்ளியின் வரலாற்றினை அறிந்து இதனை கல்வித்தாஜ்மகால் என்று அழைத்தார். 1942-ல் வாலிபாளையம்
                                                                     
துவக்கப்பள்ளியில் தொடங்கப்பட்ட இப்பள்ளிக்கு திரு.தேவ்ஜி ஆஷரின் விடா முயற்சியின் காரணமாக அன்றைய சென்னை மாகாண அரசு 1948-ம் ஆண்டு அரசு ஆணை எண் 1425-ன் படி ஜெய்வாபாய் நகராட்சிப்பெண்கள் மேல் நிலைப்பள்ளிக்காக 7 ஏக்கர் 7229 சதுர அடியை கொடுத்தது. இந்த இடத்தில் திரு தேவ்ஜி ஆஷரும், அவருடைய மகன்களான கிருஷ்ணகுமார் & பிரதாப் இணைந்து பள்ளிக்கட்டடம், விளையாட்டு மைதானம், தோட்டம் உட்பட அமைத்து திருப்பூர் நகராட்சிக்கு தானமாக வழங்கினார்கள். திருப்பூரில் 1955-ம் ஆண்டு ரோட்டரி கிளப் துவங்கப்படுகிறது. இதைத் துவங்கியவர்களில் ஜெய்வாபாய் பள்ளியை உருவாக்கிய தேவ்ஜி ஆஷரும் ஒருவராவார். ரோட்டரி கிளப்பின் கூட்டமே அவருடைய வீட்டில் தான் நடைபெற்று வந்தது. ஒரு கட்டத்தில் ஆஷரின் ஆட்சேபனையை மதிக்காமல் 1960-ல் இருந்த ரோட்டரி கிளப் நிர்வாகத்தினர் மாண்டிசோரி பள்ளியும், மாதர் பூங்காவும் அமைத்து நகராட்சிக்கு நன்கொடையாக அளிக்கிறோம் என்ற உறுதியின் பேரில் திருப்பூர் நகராட்சியும் 1960 ம் ஆண்டு தீர்மானம் நிறைவேற்றியது.


                     ரோட்டரி கிளப்பினர் 1963-ல் ஜெய்வாபாய் பள்ளி வளாகத்திற்குள் மாண்டிசோரி பள்ளி அமைத்தனர். ஆனால் மாதர் பூங்கா அமைக்கவில்லை. அதே சமயம் தாங்கள் கூறிய படி நகராட்சிக்கு தானமாகவும் அளிக்கவில்லை. தாங்களே வைத்துக்கொண்டனர். படிப்படியாக நர்சரி & பிரைமரி பள்ளி ஆரம்பித்து பல கட்டங்கள் கட்டி ஒரு ஏக்கர் இடம் வரை ஆக்கிரமித்துக்கொண்டனர். சமூகத்தில்
                                                                          
செல்வாக்கு மிகுந்தவர்களாக பணபலம் படைத்தவர்களாக ரோட்டரி கிளப்பினர் இருந்த காரணத்தாலும், திருப்பூரில் இருந்த அனைத்து நகராட்சிப்பள்ளிகளும், நகராட்சியின் முழுக்கட்டுப்பாட்டில் இருந்த காரணத்தால் அதிகாரிகளின் எதிர்ப்புகள் பெரிதாக எடுத்துக்கொள்ளப்படவில்லை.

                      1978-ம் ஆண்டில் தமிழகம் முழுவதும் இருந்த நகராட்சிப்பள்ளிகளின் ( கட்டட பாராமரிப்பு தவிர) நிர்வாகம் முழுவதும் அரசுக்கல்வித்துறைக்கு வந்தது. ஜெய்வாபாய் உயர் நிலைப்பள்ளி மேல் நிலைப்பள்ளியாக தரம் உயர்த்தப்பட்டது. அதே சமயம் ஜெய்வாபாய் நகராட்சிபள்ளியின் நிர்வாகமும், கல்வித்துறையும் இதைப்பற்றிய சமூக அக்கறையின்றி இருந்துள்ளனர். நமக்கேன் வம்பு.. மாதச்சம்பளம் வந்தால் போதும் என்ற மன நிலையில் இருந்துள்ளனர். 1987-ம் ஆண்டில் ஜெய்வாபாய் பள்ளியின் பெற்றோர்-ஆசிரியர் கழகத்தலைவரும், ரோட்டரி பள்ளியின் தாளாளரும் ஒருவரே ஆகும். இவர் செய்த துரோகத்தின் காரணமாகவும், இவருக்கு நகர்மன்றத்தலைவரிடமிருந்த செல்வாக்கின் காரணமாக அன்றைய ஆணையாளரின் எதிர்ப்பையும் மீறி, நகர் மன்றத்தில் தீர்மானம் வருகிறது.
       
            திருப்பூர் நகர் மன்றத்தில் ஜெய்வாபாய் பள்ளிக்குச்சொந்தமான ஒரு ஏக்கர் இடத்தை ரோட்டரி பள்ளிக்கு வழங்குவதற்காக வந்த தீர்மானம் மார்க்சிஸ்ட் கம்யூனிஸ்ட் கட்சியின் நகர் மன்ற உறுப்பினர்களின்(குறிப்பாக திரு.என்.கோபாலகிருஷ்ணன், சி.கோவிந்தசாமி) எதிர்ப்பினால் இரண்டு முறை ஒத்திவைக்கப்பட்டது. பின் அவர்களின் எதிர்ப்பையும் மீறி தீர்மானம் நிறைவேற்றப்பட்டது. இதையறிந்து பதறிப்போய் நகர்மன்றத்திற்கு சென்ற தலைமையாசிரியை செல்வி சாவித்திரியும், பிற ஆசிரியைகளும் பெற்றோர்-ஆசிரியர் கழகத்தலைவரால் மிரட்டப்பட்டார்கள்.

                       1989-ம் ஆண்டில் ஜெய்வாபாய் பள்ளியில் பொறுப்பேற்றுக்கொண்ட, தமிழ் நாடு அறிவியல் இயக்கத்தினைச்சார்ந்த (ஆ.ஈசுவரன்) பெற்றோர்-ஆசிரியர் கழகத்தினரின் பார்வைக்கு இந்த நில ஆக்கிரமிப்பு கவனத்திற்கு வந்தது. அன்றைய பாராளுமன்ற உறுப்பினராக இருந்த திரு.சி.கே.குப்புசாமி அவர்களும் இதைச்சுட்டிக்காட்டினார். அன்றைய முதன்மைக்கல்வி அலுவலர் திருமதி சரசுவதி பழனியப்பன் அவர்களும் இதற்கு ஆட்சேபனை தெரிவித்தார்.
               பெற்றோர்-ஆசிரியர் கழக கூட்டத்தில் இந்தப்பிரச்சனை வந்த போது ஜெய்வாபாய் பள்ளிக்கு தலைவராகவும், ரோட்டரி பள்ளியின் தாளாளருமாக இருந்த திரு.டி.என்.லோகநாதன் தனது ஜெய்வாபாய் பள்ளி பெ.ஆ.கழக தலைவர் பதவியை ராஜினாமா செய்து. ரோட்டரி பள்ளிக்கு ஆதரவாக இருந்தார். அதன் பின் பொறுப்பேற்றுக்கொண்ட நிர்வாகிகள் இந்தப்பிரச்சனையை தமிழகரசின் பார்வக்கும், மாவட்ட ஆட்சியர், நகராட்சி நிர்வாகம், சட்ட மன்ற உறுப்பினர்கள் என மனுக்களை அனுப்பிக்கொண்டே இருந்தனர். இதனால் ஆத்திரம் அடைந்த ரோட்டரி கிளப்பினர் என்ன செய்தனர் தெரியுமா..?

           1991 ம் ஆண்டில் ரோட்டரி கிளப்பினர் குறுக்கே கம்பிவேலி அமைத்து தெற்குப்பகுதியில் இருந்து மாணவிகளும் ஆசிரியைகளும் பள்ளியின் தென்புறக்கேட்டின் வழியாக பள்ளிக்குள் வருவதை தடுத்தனர். பெற்றோர்-ஆசிரியர் கழகம் சார்பாக மாண்புமிகு( இன்றைய முதல்வர் தான் அன்றும் முதல்வராக இருந்தார்.)தமிழக முதல்வர் அவர்களுக்கு தந்தியடிக்கப்பட்டது. அடுத்த நாளே கம்பி வேலியை இரவோடு இரவாக அகற்றினார்கள். ஜெய்வாபாய் பள்ளிக்கு பல்வேறு வகையில் தொந்தரவு கொடுத்தனர். ஜெய்வாபாய் பள்ளியின் இடத்தை மீட்க வேண்டும் என்று 1990-ம் ஆண்டு முதல் 1996-ம் ஆண்டுவரை ஏழு     ஆண்டுகள் அரசிடமும், நகராட்சியிடமும் கோரிக்கை வைத்து கேட்டுப்பார்த்தனர். இந்தக்கோரிக்கை நிறைவேற்றப்படவில்லை, மாறாக திருப்பூர் நகர் மன்றத்தீர்மானத்தின் அடிப்படையில் ஒரு ஏக்கர் நிலத்தை ரோட்டரி பள்ளிக்கு 99 வருட குத்தகைக்கு விடுவதற்கு வருவாய்த்துறை ஏற்பாடு செய்தது. எனவே வேறு வழியில்லாமல் ஒரு ஏக்கர் இடத்தை ஆக்கிரமித்து செயல் பட்டு வந்த தனியார் ரோட்டரி மெட்ரிகுலேசன் பள்ளியின் மீது ஜெய்வாபாய் பள்ளி பெற்றோர்-ஆசிரியர் கழக அறக்கட்டளை 1996-ல் சென்னை உயர் நீதி மன்றத்தின் மூலம் பள்ளி இடம் குத்தகைக்கு விடுவதற்கு தடையானை பெற்றனர். இந்தத்தடையானையை பெற்றுத்தந்தவர் அன்று வழக்கறிஞராக இருந்த ஓய்வு பெற்ற நீதிபதி திரு.கே.சந்துரு அவர்களாகும்.

                 சென்னை உயர் நீதிமன்றத்தில் வழக்கு நிலுவையில் இருக்கும் போதே கல்வித்துறையின் அடிப்படை விதியான 10(1) ஏபி ன் விதிகளுக்கு மாறாக (அதாவது பள்ளியின் பெயரில் சொந்தமாக நிலம் இருக்கவேண்டும் அல்லது பள்ளியின் பெயரில் 30 வருட குத்தகை ஒப்பந்தம் போடப்பட்டு பத்திர பதிவுத்துறையில் பதிவு செய்தால் மட்டுமே பள்ளி தொடங்க முடியும்) உண்மைக்கு மாறான தகவல்களை கல்வித்துறைக்குத்தந்து, நகர் மன்றத்தீர்மானத்தின் அடிப்படையில் ஜெய்வாபாய் பள்ளி பெ..கழகத்தினரின் ஆட்சேபனையை புறந்தள்ளிவிட்டு, மெட்ரிகுலேசன் பள்ளியாக மாற்றினார்கள். அதே சமயம் கனியாம்பூண்டியருகே பள்ளிக்கட்டம் கட்டுவதற்காக வாங்கிய சுமார் 8 ஏக்கர் இடத்தில் 2003-ல் அன்றைய ரோட்டரி நிர்வாகத்தினர் முதியோர் இல்லம் கட்டி திறப்புவிழா செய்தார்கள். ஆனால் அதற்கு அடுத்து வந்த ரோட்டரி நிர்வாகத்தினர்கள் அந்த இடம் முழுவதையும் விற்று விட்டு, ராயபுரத்தில் சிவானந்த கலர் கம்பெனி அருகில் பள்ளி கட்டுவதற்காக இடம் வாங்கிப்போட்டார்கள். 2005-ம் ஆண்டு பதவிக்கு வந்த நிர்வாகத்தினர்கள், 26-3-2005ம் தேதியிட்ட தினமலரில், தாங்கள் ராயபுரத்தில் வாங்கியுள்ள இடத்தில் திருப்பூர் மக்களின் கல்விக்கனவை நினைவாக்கும் விதமாக பெரிய அளவில் ரூ ஒரு கோடி செலவில் மேல் நிலைப்பள்ளியாக வளர்ச்சி காணப்போகிறது என்று தெரிவித்தனர்.

                 ஒன்பது ஆண்டுகள் சென்னை உயர் நீதி மன்றத்தில் நடைபெற்ற விசாரனையின் முடிவில் W.P. எண்.19362/96 தேதி 24-6-2005-ன் படி ரோட்டரி கிளப்பினர் ஜெய்வாபாய் நகராட்சிப்பெண்கள் பள்ளிக்குள் உள்ள தங்கள் பள்ளியை 31-5-2006 க்குள் காலி செய்து வேறு இடத்திற்குச்செல்ல வேண்டும் என்று சென்னை உயர் நீதி மன்றம் ஒரு வருடம் அவகாசம் அளித்து தீர்ப்பளித்தது. மேற்கண்ட தீர்ப்பை ஏற்காத திருப்பூர் ரோட்டரி கிளப்பினர் 2006-ல் சென்னை உயர் நீதி மன்றத்தில்(பென்ச்) ஜெய்வாபாய் பள்ளி பெ..கழக அறக்கட்டளை, தமிழகரசின் வருவாய் செயலர், மாவட்ட ஆட்சித்தலைவர் கோவை, திருப்பூர் மாநகராட்சி ஆணையாளர், ஜெய்வாபாய் பள்ளி தலைமையாசிரியர் என ஐந்து பேர் மீதும்                                                        
வழக்குப்போட்டு, மேல் முறையீடு செய்தனர். இவர்களின் மேல் முறையீட்டு மனுவான W.A. எண். 2211/2005 தேதி 28-2-2008 அன்று மீண்டும் சென்னை உயர் நீதி மன்றத்தால் தள்ளுபடி செய்யப்பட்டது. ரோட்டரி கிளப்பினர் 2008-ல் மறு சீராய்வு மனு வழக்குப் போட்டனர். இந்த வழக்கில் மெட்ரிகுலேசன் பள்ளியின் இயக்குனர் மீதும் வழக்குப்போட்டனர். அப்போதுஇந்த இறுதித்தீர்ப்பும் தங்களுக்கு எதிராக இருக்கும் பட்சத்தில், தாங்களே தங்களது ரோட்டரி பள்ளி இடத்தை வேறு இடத்திற்கு மாற்றி விடுவதாகமெட்ரிகுலேசன் பள்ளி இயக்குனருக்கும், உயர் நீதி மன்றத்திலும் எழுத்து பூர்வமாக தெரிவித்தனர்.. சென்னை உயர் நீதி மன்றத்தில் நடைபெற்ற வழக்கான R.A.(writ)எண்.61/2008 தேதி 22-10-2010. ன் படி இந்த மறு சீராய்வு ஆய்வு மனுவும் தள்ளுபடி செய்யப்பட்டது.

         தாங்கள் ஏற்கனவே 2008-ல் கடிதம் மூலம் தெரிவித்தபடி திருப்பூர் ரோட்டரி கிளப்பினர் ஜெய்வாபாய் பள்ளிக்குள் இருந்த தங்கள் பள்ளி இடத்தை காலி செய்யவில்லை. இதற்கு மாறாக ரோட்டரி கிளப்பினர் சென்னை உயர் நீதிமன்ற இறுதித் தீர்ப்பினை எதிர்த்து சிறப்பு பெட்டிசன் மூலம் SLP 4053/2011 படி சுப்ரீம் கோர்ட்டில்,1) ஜெய்வாபாய் பள்ளி பெ..கழக அறக்கட்டளை (2) வருவாய் செயலர், தமிழகரசு, (3) மாவட்ட ஆட்சித்தலைவர், (4) மாநகராட்சி ஆணையாளர் 5) ஜெய்வாபாய் பள்ளி தலைமையாசிரியர் என ஐந்து பேர் மீதும் வழக்கு தொடுத்து சென்னை உயர் நீதி மன்ற தீர்ப்பிற்கு எதிராக 2011-ல் உச்ச நீதிமன்றத்தில் தடையாணை பெற்றனர்.

          திருப்பூர் மாநகராட்சி நிர்வாகம் மற்றும் தமிழகரசும் இந்த தடையாணையை நீக்குவதற்கு 24-1-2014 ல் அபிடாவிட் தாக்கல் செய்தது. இந்த அபிடாவிட்டில், 1960 ம் ஆண்டு ரோட்டரி கிளப்பினர் நகராட்சியுடன் செய்து கொண்ட ஒப்பந்தப்படி நடக்கவில்லையென்றும், ஜெய்வாபாய் மாநகராட்சிப்பெண்கள் பள்ளியானது இந்தியாவிலேயே மிகச்சிறந்த நகராட்சிப்பள்ளியென்றும், திருப்பூர் மாநகராட்சிக்கு பெருமிதம் அளிக்கும் பள்ளியென்றும் கூறி, ஜெய்வாபாய் பள்ளிக்குள் இருந்து வெளியேற மறுக்கும் ரோட்டரி கிளப்பினரின் அப்பீல் மனுவை ரத்து செய்யுமாறு கோரியிருந்தனர். மேற்கண்ட வழக்கின் விசாரனை கடந்த மாதம் 30-6-2014 அன்றும், 07-07-2014 அன்றும் விசாரனைக்கு வந்தது. ரோட்டரி கிளப்பினரால் வாய்தா வாங்கப்பட்டது.

                         இறுதி விசாரனை 30-7-2014 அன்று உச்ச நீதிமன்றத்தில் விசாரனைக்கு வந்தது. 30-7-14 அன்று உச்ச நீதி மன்றம் , 1948-ம் வருடம் அரசு ஆணை எண் 1425-ன் படி 7 ஏக்கர் 7229 சதுர அடி இடம் முழுவதும் ஜெய்வாபாய் நகராட்சிப்பெண்கள் மேல் நிலைப்பள்ளிக்குச்சொந்தமானது எனக்கூறி,சென்னை உயர் நீதி மன்றத்தின் தீர்ப்பு செல்லும் எனக்கூறி ரோட்டரி கிளப்பினரின் அப்பீல் மனுவை டிஸ்மிஸ் செய்தது.

                                                                     
                ஜெய்வாபாய் நகராட்சிப்பெண்கள் பள்ளிக்குள் ஐம்பது ஆண்டுகால தனியார் பள்ளியின் ஆக்கிரமிப்பு முடிவுக்கு வரும் காலம் வெகு தூரத்தில் இல்லை.. சென்னை உயர் நீதி மன்றத்தீர்ப்பின் அடிப்படையில் ரோட்டரி மெட்ரிகுலேசன் பள்ளிக்கு 31-5-2006 க்குப்பின் அங்கீகாரம் இல்லையென்று மெட்ரிகுலேசன் பள்ளி இயக்குநரின் ..எண் 2607/ 3/2008 நாள் 29-5-2008 அன்று தகவல் அறியும்
                             உரிமைச்சட்டத்தில் கேட்கப்பட்ட கேள்விக்கு பதில் கூறிய  கடிதத்தில் கூறப்பட்டுள்ளது.
            சென்னை உயர் நீதி மன்றம் 2005-ம் ஆண்டே தனது தீர்ப்பில் ரோட்டரி பள்ளியினர் தங்கள் பள்ளியை 31-5-2006 க்குள் வேறு இடத்திற்கு மாற்றிக்கொள்ளவேண்டும் என்று தீர்ப்பளித்துள்ளது. இவர்களும் ராயபுரத்தில் ரோட்டரி கிளப்பிற்கு சொந்தமான இடத்தில் மேல் நிலைப்பள்ளியை கட்டப்போகிறோம் என்று உயர் நீதி மன்ற தீர்ப்பு வரும் முன்பே 26-3-2005 அன்று செய்தித்தாளில் அறிக்கை வெளியிட்டவர்கள் 24-6-2005 அன்று தீர்ப்பு வந்து ஒன்பது ஆண்டுகளுக்குள்  தங்கள் இடத்தில் பள்ளியை கட்டியிருக்கலாம்!. ஏன் கட்டவில்லை..? இவர்களுக்கு கல்வியின் மேல் அக்கறையில்லை என்பதையும், ரூபாய் ஐம்பது  கோடி மதிப்புள்ள ஜெய்வாபாய் மாநகராட்சிப்பெண்கள் மேல் நிலைப்பள்ளியின் இடத்தை கைப்பற்ற வேண்டும் என்ற ஒரு நோக்கம் தவிர வேறில்லை என்றாகிறது.

              தற்போது சுப்ரீம் கோர்ட் தீர்ப்பு வந்து ஐந்து மாதமாகியும் இன்னும் தங்கள் இடத்தில் ரூ.1.80 கோடியில் கட்டடம் கட்டப்போகிறோம், பூமி பூஜை போட்டுள்ளோம் என்று 31-10-14 அன்று தி இந்து ஆங்கில நாளிதழுக்கு  ரோட்டரி கிளப் தலைவர் பேட்டி கொடுத்தார். ஆனால் இன்னும் எந்த வேலையும் நடைபெறவில்லை. எப்படியாவது ஜெய்வாபாய் பெண்கள் பள்ளியின் இடத்தை கைப்பற்ற வேண்டும் என்ற நோக்கத்திலேயே இருக்கிறார்கள் என்பதையே இது காட்டுகிறது.
                மேலும் தங்கள் பள்ளிக்கு 31-3-2005-ல் இருந்து அங்கீகாரம் இல்லையென்பதை பெற்றோர்களிடம் மறைத்து  குழந்தைகளை பள்ளியில் சேர்த்துள்ளனர். தற்போது அனைத்து மெட்ரிகுலேசன் பள்ளிகளிலும் சமச்சீர் பாடத்திட்டமே இருக்கிறது. ரோட்டரி பள்ளிக்கு மிக மிக அருகில் உள்ள நகராட்சிப் பள்ளிகளில் ஆங்கிலவழிக்கல்வியும் இருக்கிறது. இதனால் 6 முதல் 10 வகுப்பு வரை உள்ள ரோட்டரி பள்ளி  மாணவிகளை ஜெய்வாபாய் பள்ளியிலும், மாணவர்களை நஞ்சப்பா நகராட்சிப்பள்ளியிலும், 1 முதல் 5-ம் வகுப்பு வரையுள்ளவர்களை காதர்பேட்டை, தேவாங்கபுரம், ராயபுரம் நகராட்சிப்பள்ளிகளில் ஆங்கில வழி இருப்பதால் அங்கு சேர்க்க முடியும். எனவே தமிழகரசும், திருப்பூர் மாநகராட்சியும்  ரோட்டரி பள்ளியில் பயிலும் மாணவர்களுக்கு உரிய மாற்று ஏற்பாடுகளை செய்து. உடனடியாக ஜெய்வாபாய் பள்ளி இடத்திற்குள் இருந்து ரோட்டரி பள்ளியினைரை தமிழகரசு வெளியேற்ற வேண்டும் என்பதே அனைவரின் விருப்பமாகும்..


  •